Mondragon Unibertsitatea Zilarrezko LEB mailara igotzeko fasea jokatuko du.

Mondragon Unibertsitatea Saloun da jada, eta bihartik Zilarrezko LEB Mailara igotzeko Fasea jokatuko du, denboraldirako amaiera ezinhobearen bila.

Irekiera jardunaldian Globalcaja Quintanar de Cuencaren aurka jokatuko du 10:30etan. Ostiralean ordutegia errepikatuko du Safir Fruits Alginet talde valentziarraren aurka, eta larunbatean, 13:00etan, talde fasea itxiko du DM Group Mollet talde katalanaren aurka. Oso talde parekatua da.

Multzoko lehenak, automatikoki, igoera lortuko du, eta bigarren sailkatuak Zilarrezko LEB mailarako azken txartelaren bila jarraitu beharko du.

Denboraldiko une polit honen aurrean Gipuzkoako Saskibaloi Federaziotik zorte handia opa diogu taldeari, Mondragon Unibertsitateari eta Ointxeko familia osoari.