GIPUZKOAKO KIROL-FEDERAZIOAK, BATUTA KIROLAREN BARNEKO EKINTZA BORTITZEN AURKA
Datorren urtarrilaren 29an, osteguna, 18:30ean, Anoetako estadioaren Kirol Etxean, Gipuzkoako kirol-federazioek, Gipuzkoako Foru Aldundiarekin batera, adierazpen instituzional bat sinatuko dute “Errespeturik gabe ez dago kirolik” kanpainaren barruan, indarkeriaren eta jokabide antikirolarien aurkako konpromisoa berretsiz.
Kirol-instalazioetan gertatzen diren gorabeheren ugaritzearen aurrean, federazioek azpimarratu dute kirolari guztiek beren jarduera ingurune seguru, osasungarri eta errespetuzkoan garatu ahal izatea bermatzeko duten determinazioa. Era berean, nabarmendu dute elkarbizitzako eta tolerantziako oinarrizko arauak errespetatzen ez dituzten pertsonek ez dutela lekurik Gipuzkoako kirolean.
Adierazpena sinatu ondoren, Álvaro eta Alfredo Sáenz Ibáñez anaiek, “Gesto Deportivo”-ren sortzaileek, publikoari irekia izango den hitzaldi bat eskainiko dute izenburu honekin: “Zer egin dezakete klubek eta kirol-federazioek oinarrizko kirolean indarkeria prebenitzeko?”, eta bertan kirol-maila guztietan elkarbizitza sustatzeko estrategiak eta jardunbide egokiak partekatuko dituzte.
Kanpainaren barruan, hurrengo jardunaldiko saskibaloi, eskubaloi, futbol eta futbol sala partidek joko geldirik egongo den erdi minutu batekin hasiko dute norgehiagoka; keinu sinboliko horren bidez, Gipuzkoako kirol afizionatuak irainen eta jokabide antikirolarien aurkako gaitzespena ikusgarri egin nahi du.
