2º eta 4º postuak Infantilentzat Bergaran

Asteburuan, Bergara izan zen Euskadiko eta Nafarroako Infantil Mailako Txapelketaren eszenatokia.

Gipuzkoako selekzioek larunbat goizean egin zuten debuta, Nafarroaren aurka jokatutako finalerdietan. 10:00etan, gizonezkoen taldeak ireki zuen jardunaldia. Markagailua oso parekatua izan zen (31-37 atsedenaldian eta 48-53 hirugarren laurdenaren amaieran), baina azken laurdenean, taldearen ahaleginak gorabehera, ez zuten emaitza irauli, eta azkenean 62-74 galdu zuten Nafarroaren aurka.

Emakumezkoen taldeak antzeko partida izan zuen. 26-37 markaigailu zuten atsedenaldira iristean, baina hirugarren laurdenean talde-lan bikainari esker berdinketa lortu zuten (45-45). Azken minutuetan, tentsio handiko amaieran, gipuzkoarrek 58-55 irabazi zuten eta finalerako sailkapena eskuratu zuten.

Igande goizean, 10:00etan,  3º postua lortzeko gizonezkoen partida jokatu zen.  Gipuzkoak Arabaren aurka jokatu zuen. Lehen laurdenean aurretik hasi ziren gureak (22-20), baina atsedenaldira iristerakoan markagailua irauli zen, eta arabarrek 42-49 jarri ziren aurretik. Bigarren zatian, nahiz eta gipuzkoarrek azken unera arte borrokatu, partidua 77-103 amaitu zen, eta gure selekzioa laugarren postuan geratu zen.

Arratsaldean, 18:00etan, emakumezkoen finala jokatu zen Bizkaiaren aurka. Partida oso parekatua izan zen, markagailuan etengabeko aldaketekin. Bizkaiak 32-37ko abantaila hartu zuen atsedenaldian, eta nahiz eta gure jokalariek azken minutura arte borrokatu, partida 66-72 amaitu zen, Gipuzkoako selekzioa bigarren postuan, txapeldunorde gisa, kokatuz.

ZORIONAK DENOI!